Aizawl: Sorkar laipuia External Affairs leh Parliamentary Affairs changtu Union minister of state V Muraleedharan chuan nimin khan Mamit a tlawh.
Mamit tlawhtu union minister hian DC Conference hall-ah Mamit khawpui chhunga sorkar department hrang hrang hotu te, khawtlang hruaitute bakah tlawmngai pawl hrang hrang aiawhte a kawm.
He hunah hian district Bawrhsap Lalnunhlua’n thu a sawi bakah Aspirational District Programme, Nodal Officer Lalsanglura’n Aspirational District dinhmun tlangpui a sawi.
Thutkhawmah hian sorkar department hrang hrang hnuaia hmalakna leh an harsatnate sawiho niin an harsatna thlente chu a theih ang anga DoNER ministry leh a concerned ministry-ah thlena sutkianpui dan tur a ngaihtuahpui tur thu union minister hian a sawi.
Muraleedharan-a chuan Mamit district chu aspirational district a nih angin chawikan a mamawh a, district chawikanna tura plan leh target siama theihtawp chhuah turin sorkar hotute chu a chah bawk.
He thutkhawmah hian union minister hian CSS hnuaia beneficiary-te kawmin CSS beneficiary-te hian an harsatna hrang hrangte minister hnenah hian an thlen nghal a ni.
Ruahman lawk ang chuan union minister hian vawiinah district hospital, anganwadi centre V, Govt. Mamit College, Govt. Mamit HSS bakah PMAY (U) leh PMUY hnuaia benefiaciary-te a tlawh dawn a ni.