Koffee With Karan season 7 thar berah Bollywood actress Alia Bhatt chuan a pasal Ranbir Kapoor-a bialnu hlui te nen thiantha leh inpawh tak an nih thu a sawi. “Bialpa hlui chhas te nena inlaichinna maw..” tia a ngawih deuh vang vang hnu ah Alia chuan, “A bialnu hlui te nen inthatha tak kan ni,” a ti. Ranbir hi actress Deepika Padukone nen rei tak an inzui hnu-ah inthenin, mipa zawk hian Katrina Kaif lam hawiin a thinlung kawngkhar a hawng. Alia leh Katrina te hi an inkawmngeih hle a sawi niin, thiantha tak an nihna hi an thlalak hrang hrang atangin a hmuh theih awm e. Tunah hian Ranbir te nupa hian fatir an beisei.