NSCN (IM) hel pawla sergeant tia inchhal, Phawang Ngonpa chu Namtok police station, Arunachal Pradesh-a Changlang district-ah October 5 khan a inpe.
Kum 30-a upa, Ngonpa hi Phangsung lhuaa mi niin ani hi an khua atanga hel pawl zawm, tun hnaia inpe tam tak zinga mi pakhat a ni ve ta a ni.
Police hnena a sawi dan chuan kum 2015 khan NSCN (IM) hian bumin an pawla hna tha tak leh hlawh pawh tha tawk tak pek an tiam avangin a zawm tih a sawi.
Hel pawl a zawm hnuah hian a beisei leh a zawm chhan ang engmah a thleng zui lo niin thuneitute chuan an sawi a. A nun a hrehawm tawlh tawlh a, ram hnuaiah damdawi thaa inenkawl a theih bawk si loh avangin a hriselna pawh a hniam zel bawk niin an sawi.
Hreawm taka hun hman reng ai chuan an khuaa kira nun pangngaia a chhungte nena awmho leh a thlang ta niin an sawi bawk.
Nilaini khan Changlang Deputy Commissioner Devansh Yadav chuan Ngonpa-a inpekna lehkha, surrender certificate chu tichhuakin zalen takin a hun a hmang thei tawh dawn tih a sawi.