Kuhva tawlh chungchanga tangrual thiam Hachhek mipuite
Dan lova kuhva tawlhin reh lam a la pan thei lo a, sorkar berin a mit a siai san miau avangin ngampa taka la lakluh reng a ni. Heti tak maia kan ngaihzam takah chuan tualchhung mi, kan ramchhung mite ngei, kuhva chinga eizawngtuten harsatna an tawk chho ta reng bawk a, an la tawk zel dawn ni pawhin a lang.
Hachhek constituency lamah chuan khawchhak kuhva vanga an kuhva tharchhuah hralh kawnga harsatna an tawh nasat thu an sawi a, mitinin an do emaw tih tur hial khawpin an tangrual bawk. He kuhva rah tawlh hi an huatrawn a, titawp turin sorkar an ngen chamchi a, vawiin thlengin a ruka phurthla pawl erawh an la awm zel thung!
Tun hnaiah pawh Zamuangah man an nei a, mi tutih hriat lohten truck trip hnih an lo halsak vek mai a, a neitu tan chuan a na tham khawp ang tih a rin theih. Mahse, a mipui berin an sumdawnna nghawng thil leh dan dik lova kal reng kha an hmuh mawh miau avangin dem theih lohna chin pawh an awm mai thei e. Hemi kawnga Hachhek bial lam hmalakna hi chu fakawm tak a ni.
Sorkar pawh hian he khawchhak kuhva hmanga sumdawnna hi chu ennawn mawlh teh se.