Lemchan khawvela film lar ber zingami ‘The Godfather’ changtupa Sonny Corleone chu kum 82 mi niin a thi.
Oscar nomination hial dawng tawh US actor lar hi 1970s chho khan hriat a hlawh hle a; Oscar bakah Emmy leh Golden Globes nomination pali lai a hmu tawh bawk.
New York chhul chhuak ni bawk hian nuam tawlna lamah sawi hat hat tling a ni a, a nunphung leh khawsak phungah nuam thei ang bera chen tum thin niin, nupui pali lak atangin fa panga a nei.
A thih thu hian a fan te a barakhaih hle a, film chanpui te bakah amah uitu tam takte chuan social media-ah an sunna thu an ziak nasa. Comedian Andy Richter chuan, “Ka thawhpui thei kha vannei ka in ti a, inchhuana tham a tling. Mimal ang pawha ka mi ngainat em em a ni,” a ti.
A film chanpui thin Gary Sinise pawhin, “A hmelhriat nih kha a hlu a, ‘thianpa’ han tih te kha a va’n nuam em..” a tih laiin, film siamtu lar Rob Reiner chuan, “Thawhpui nuam tak a ni,” a ti ve bawk.