Kumin Wimbledon hmeichhe singles inelnaah champion inchuh turten hnuhma lian an nei ve ve a. Ons Jabeur leh Elena Rybakina ten zanin dar 6:30-ah champion an inchuh dawn.
Seeded number 3 hauhtu Tunisian mi Jabeur hi hmeichhe tennis chanchin a Arab mi Grand Slam singles final khel hmasa ber a ni a. Ningani khan semi-final ah 6-2 3-6 6-1 in Tatjana Maria a hneh.
A khingpui tur Rybakina hi Kazakhstan atanga Grand Slam final khel hmasa ber a ni ve dawn bawk a. Champion hlui Simona Halep chu 6-3 6-3 in hnehsawh takin semi-final ah a vaw thla.
World no 2 ni lai Jabeur hi African hmeichhia zinga kum 1960 a Sandra Reynolds hnua Grand Slam final khel leh thei hmasa ber a ni dawn bawk.
Lehlamah world number 23 Rybakina hi kum 2015 hnua Wimbledon hmeichhe final khel thei naupang ber a ni ve dawn thung.