Covid-19 hri kai, natna la lang chhuak si lo, mahni ina inkhung hrangin a chhungte hnena hri a kai theihna chance chu a tlem hle a, 4% awrh chauh a nih thu zir chianna atanga hmuh a ni.
Assam Medical College & Hospital (AMCH)-a pathology department assistant professor Dr. Gayatri Gogoi kaihhruai team chuan mahni ina inkhung hrang mi 25,000 chuang kawmin an rilru lama kawm harlh an ni bawk a. Telemedicine (phone hmanga doctor inrawnna) hmanga an dinhmun leh an mamawhte pawh an sawipui.
Zir chianna hi doctor rualin Assam Police leh Pratishruti Cancer & Palliative Trust, Guwahati tawiawmnaah thla hnih chhung an neih a ni.
“Covid-19 kai, na nei vak lo leh na nei lo pawh, ina inkhung a tha. Natna nei lote phei chuan an chhungte an kai hi 4.06% (5 chauh) a ni,” tiin Gogoi chuan a sawi.
Mi 25,000 zinga mi 123 chauh hri kaia an chhuah thu leh heng zinga 101 chu natna nei lo an ni.