Chelsea chuan Premier League champion Manchester City hnen atangin England winger Raheem Sterling lalut turin a man turah inremna an nei.
Club pahnihte inremna hi Pound maktaduai 50 vel a ni dawn a, vawikhatah a man an inpe tla nghal dawn lo thung. Stamford Bridge-ah Sterling hian kum nga contract a ziak tura ngaih a ni.
Sterling hian medical a neih fel hnuah tunkarah a club thar hian an phochhuah hman beisei a ni a. Man City hnenah kum khat contract a la nei a, ram dang club liante pawhin an ngaihven hle.
Kum 2015 khan Manchester City hian Liverpool atangin Pound maktaduai 49 in an lei a, an tan game 339 khelin goal 131 a khung.
Chelsea hi a zawm fel a nih chuan England tana vawi 77 inkhel tawh Sterling hi Chelsea in neitu thar Todd Boehly hova intelkhawm hnuaia an awm hnua an player lakluh langsar hmasa ber a ni ang.
Chelsea hi karlehah United States a pre-season tour nei tur an ni a, hemi tura an chhuah hma hian Sterling hi an squad a tel hman tura ngaih a ni.
Sterling hian City a cham la duh mahse squad a mi pawimawh zawk nih a duh avangin Chelsea h