India ramah darkar 24 liam ta chhung khan coronavirus kai mi 16,678 hmuh chhuah leh hman niin a hma nia hmuh chhuah zat a erawh chuan 8% velin an tlem zawk.
A hma ni chiahah khan mi 18,257-in hripui leng mek hi an kai tih hmuh chhuah a ni.
Union health ministry-in a chhinchhiah dan chuan India-ah hian Covid kai hi mi 4,36,39,329 an awm tawh a. Darkar 24 liam ta chhungin mi 26-in thihpui leh hmanin mi 5,25,454-in an thihpui tawh.
Darkar 24 liam ta chhung hian mi 14,629 enkawl dam leh hman niin a kai hmuh tawh atanga chhutin 98.50% enkawl dam an ni tawh.
India-ah hian hri kai enkawl lai mi nuai 1.30 chuang an la awm mek a, hei hi a kai hmuh tawh zawng zawng atanga chhutin 0.30% an ni.
Darkar 24 liam ta chhungin sample 2,78,266 endik niin heng zinga 5.99% chuan an kai tih finfiah a ni.
Invenna pek mek zelah vaccine dose vaibelchhe 198 chuang pek tawh a ni.
Naupang kum 12 leh 14 inkar mi vaibelchhe 3.74 chuang hnenah dose khatna leh vaibelchhe 2.51 chuang hnenah dose hnihna pek an ni tawh a. Kum 15 leh 18 inkar mi vaibelchhe 6.06 chuangin dose khatna dawng tawhin vaibelchhe 4.96 chuangin dose hnihna an dawng tawh bawk.