Barcelona chuan Leeds United atangin Pound maktaduai 55 in Brazil forward Raphinha chu an lalut a, an fans te hmaah an phochhuak.
Kum 25 mi Brazilian chuan, “Naupang ka nih atanga ka duhthusam a ni thin. Ka theihtawp ka chhuah dawn.” tiin a club thar a zawm hnuah a sawi.
Leeds United pawhin an player hlui hi duhsakna nen an thlah a. Kum 2020 a French club Rennes atanga Pound maktaduai 17 a an lakluh hnuin an tan Premier League match 65 a khel a, goal 17 khungin midang khung tur vawi 12 a siamsak.
Chelsea pawhin nasa taka an umzui Raphinha hi Barcelona in an ngamna zahin London club in ngam mahse player in a kal duhna Spain lam Leeds United in a pan theih nan an pawm ta zawk.