Manchester City defender Nathan Ake chu a chhuak dawn lova, amah lei tumtu Chelsea in a man an chhiar zat anga an ngam loh avangin Etihad Stadium-ah a cham zel dawn.
Kum 27 mi Dutch defender lalut tur hian Chelsea leh City te hian hun engemaw chen atang khan inbiakna an nei tawh a. Ake hian season liamta khan Manchester City tan inelna hrang hrangah vawi 27 a khel a, goal thum khungin left-back leh centre-back a chhawr a ni thin.
Kum 15 mi a nihin Chelsea hi a lo zawm tawh a, Blues first team tan vawi 17 a khel hman tihin kum 2017 khan a nghetin AFC Bournemouth a zawm a. Cherries tan defender tangkai niin Pound maktaduai 40 in Manchester City in kum 2020 khan an lalut.Engatinge?
Tun nipuiah Ake hian Chelsea zawm turin mimal lamah thuphungin Blues leh a agent ten inbiakremna an nei tawh a, a club lamin Pound maktaduai 45 an chhiar.
Chelsea lam hian hetiang zat sen an huam loh avangin inremna a awm dawn lo niin a lang.
Manchester City hian Ake hi sum tam zawk nena chhuah phal mahse Pep Guardiola squad a pawimawhna la nei ah an dah tel thova, Oleksandr Zinchenko chuan chhuah a hnaih avangin tlarhnung veilam a khel thei player hi kawl an pawi ti lo.
Blues hian Ake an lakluh theih hmel tak loh avangin defender veikhawr dang an melh chhunzawm a. Paris Saint-Germain atangin Presnel Kimpembe lam an hawi a, Sevilla defender Jules Kounde pawh an ngaihven thar leh. Blues hian an kum 19 mi defender Levi Colwill pawh an la kawl lailawk rih.