French champion Paris St-Germain chuan hun engemaw chen an ngaihven tawh Reims striker Hugo Ekitike chu tun season tluan atan loan in an hawh dawn a, season zawhah a nghetin an lei thei ang.
Hmun thenkhat a sawi danin PSG hian kum 20 mi, France a striker beiseiawm ber zing ami hi Pound maktaduai 30 a lei nghet turin inremna an nei tawh a, mahse Ekitike leh Reims lam inkar avangin a nghet in tun nipuiah a chhuak thei rih lova, hei vang hian loan in an hawh phawt dawn.
Feet 6 leh inches 2 a sang Ekitike hi season liamta kha Reims a season puitling a hman hmasak ber niin vawi 27 ainkhel a, goal 11 khungin midang khung tur vawi thum a siamsak.
Striker fing leh tlan thiam ti a sawi Ekitike hi Newcastle United chuan kumtir khan lakluh tumin an dawr tawh a, tun nipuiah ngaihven ngawrh leh hle bawkin inremna erawh an nei mumal thei lo.
PSG in tun nipui a player thar an lakluh pathmna a ni bawk.