- Ruata
Hero MotoCorp chuan an bike lar leh hralh that zinga mi Xtreme 160R chu kum 2022 model an tichhuak a. He bike thar hian kentel hrang hrang a nei thar a, variant 3 – Single Disc, Dual Disc leh Stealth Edition te a awm dawn a ni.
2022 Hero Xtreme 160R hian gear-position indicator chu a instrument panel-ah a rawn nei thar dawn a. Hei bakah hian a seat leh a hnunga thu te tana vawnna chu design thar a ni bawk a ni.
He bike thar hian a hmaa a neih ang, single-pod headlamp unit, side-slung exhaust, inverted LCD console with welcome message & adjustable 5 level brightness, side-stand engine cut off, auto sail tech leh USB charger te a la neih chhunzawm zel dawn bawk a ni.
A khawl lamah pawh a hmaa a hman ang tho, 163cc, single-cylinder, air-cooled khawl, 15bhp power, 8,500rpm-a pechhuak thei leh 14Nm torque, 6,500rpm-a pechhuak thei a la hman chhunzawm zel dawn a, he khawl hian transmission lamah 5-speed gearbox a nei bawk a. 2022 Hero Xtreme 160R hian 17-inch wheels a nei a, a hmalamah 100/80 leh a hnunglamah 130/70 section tyre te a hmang a ni.
Variant chi thum zinga – single disc variant hian 276mm disc leh 130mm drum brake te a hmang a. Dual disc leh Stealth edition te hian a hmalamah 276mm disc leh a hnunglamah 220mm disc brake te a hmang bawk a, he bike hian single-channel ABS a nei a ni. Suspension lamah chuan he bike hian a hmalamah 37mm telescopic fork leh a hnunglamah 7-step rider-adjustable monoshock a hmang a. A lenzawngah chuan he bike hi 2029mm a sei a ni a, a vang 793mm niin a san zawng hi 1052mm a ni thung a, a wheelbase hi 1327mm a ni. A seat san zawng hi 790mm niin a khan san zawng, a ground clearance hi 167mm a ni bawk a ni.
2022 Xtreme variant pathum zinga single disc variant hi kg 138.5 a rit a ni a, a dual disc zawk hi kg 139.5 a rit a ni. A fuel tank-ah hian petrol litre 12 a leng a. Rawng chi 5 – Xtreme Stealth Edition (Black), Pearl Silver White, Vibrant Blue, Sports Red & 100 million limited edition (Red & White) te duhthlan tur a awm dawn a ni.
2022 Hero Xtreme 160R lo chhuak thar hi Hero Connect keng tel pawhin duhthlan theih a ni dawn a, hei hian himna hmanraw hrang hrang a keng tel ang a, hemi nei thei tur hi chuan a bike man balah Rs. 4,999 chawi belh zeuh a ngai dawn a ni.
** 2022 Hero Xtreme 160 man (ex-showroom)
Single Disc: Rs 1.17 Lakh
Dual Disc: Rs 1.20 Lakh
Stealth Edition: Rs 1.22 Lakh