German champion Bayern Munich chuan inremna an neih thu an puan hnuah kum 17 mi French forward Mathys Tel chu Rennes atangin an lalut fel.
France Under-17 captain ni thin Tel hi June thla a Under-17 European Championship a an champion tumin captain niin an player pawimawh a ni a. Tun nipui a Bayern Munich in player an lakluh pangana a ni.
Season liamta khan Ligue 1-ah vawi 10 Rennes tan a inkhel.
Bayern sporting director Hasan Salihamidzic chuan “Europe a player talent nei tha ber zing ami a ni a, club lian tam takin lakluh an duh.” tiin an player thar chungchang hi a sawi.
Bayern manager Julian Nagelsmann chuan United States a pre-season tour an neih meka a zawm ve hnuah, “Engtikah emaw chuan season khat a goal 40 khung tling a la nih theihna a awmin ka hria. Tunah erawh season khat a goal 10 a khung pawhin kan lawm hle ang.” tiin a hmabak a en thu a sawi ve bawk.