Rimawi khawvela hming a chher tan dawn lai khan a khawharna avangin Lady Gaga hian cocaine leh ruihtheih thil dang a lo ti ve zuai hman.
A inchhir zia a sawi bâng thei lo. Pawi a ti ngawih ngawih.
Hetianga nun khaw lo taka a chen lai hian a buai mup a, mu leh mal a nei ngai lo, a ti.
Kum 36 mi Gaga hian, “Duh takte u, min lo ngaithla a nih chuan cocaine leh drugs dangte hi a melh pawhin melh hauh suh u.
“Ka khua a har thin em vangin thian atan ka lo hmang ve ngawt pawh kha ka tisual der mai a, khang hun laia ka thil tih kha inchhirna vek mai a lo ni,” tiin a sawi.
A fan te chu ruihtheih thil laka fihlim tura ngenin, heng thilte hi ramhuai hlauhawm a nih thu a sawi bawk.