Zaithiam lar Alicia Keychuan rimawi hian pawikhawihna hrang hrang lak atangin a chhanhim a ti a, a chhungte bakah zai lamah lut lo selang chuan, misual pawl lian tak a zawm ngei a ring, a ti bawk.
“Kum 14 ka nih khan kawnga ka kal laiin misual ho an inkap chiam mai a.
“Buaithlak ber maia chu, ka thiante zingah khan misual pawla tel leh pawikhawihnaa inhmang duh tawk kha an awm reng a, ruihtheih thil an ti bawk si a, a hahthlak thin khawp mai,” tiin Alicia (41) hian a sawi.
Duhthlanna a siam fuh avangin tunah zet chuan khawvel pumah album maktaduai 60 chuang zet a hralh chhuak a, hlawhtling takin album pasarih a tichhuak tawh bawk.
Rimawiin nunkawng kal zel turah hruaitu tha a nihna chu Alicia Key nunah chiang takin a lang. Hmuh hmaih rual a ni lo.
Tunhma angin zai lamah inlan tam thei tawh lo mah se, rimawi a ngainatna leh a tuipuina chuan rahtha a chhuahsak. A nun hlui pelhsawlh tur laka chhanchhuaktu music a ni tihah a chiang.