Chiang lo kan la awm nual, ngun takin chhiar la..
Naupai lai hian nupa nun hman châkna a tlahniam em?
Naupai lai hian taksa in danglamna chi hrang hrang a paltlang a, chu chuan nupa nun hman châknaah pawh nghawng a nei lo thei lo. A tir lamah phei chuan chaw huat, luakchhuak leh chau ngawih ngawiha inhriatna te avang hian nupa nun hman châk-na pawh a hniam viau thin. Rihna a lo pung a, hnungzang nâ a lo awm a, nau neih dawn hnaih lamah phei chuan harsatna neuh neuh a lo awm a, chu chuan châk loh hulhualna a thlen thin.
Naupai atanga thlarukna ah hian serh leh hnute velahte thi-sen luanglut a pun sauh avangin tunhma zawng aia nupa nun hman châkna leh phurna a lo awm anga, amaherawhchu hri-sel tha pangnga i nih loh a, en-kawl ngai reng i nih chuan a thleng thei lo mai thei bawk.
Nauchhiat a hlauhawm em?
Nauchhiatna chhan chi ‘chromosomal’ chian loh vang emaw ‘genetic’ fel tawk loh vang a ni duh hle a, naupai laia nupa nun hman nen hian inzawm-na a nei lo anga ngaih a ni a. Hemi chungchanga i rinhlelhna te chu doctor chuan a hrilhfiah thei ngei ang che
Nupa nun hman hian naute a ti na mai lo’ng maw?
Teuh lo mai, ati na lovang. Naute hi chhula awm ‘amniotic fluid’ hian a veng tlat a, kumkuruh dang bettu, ‘mucous plug’ chuan a lo veng ve bawk. Hei hian naute hi natna inkaichhawn theihna lak atang mai ni lovin, mipa serh-in naute a va dai fuh theih loh nan a lo veng tlat a ni
Naupai laia mahnia inhrik-thlak (musturbate) a him em?
Mahnia inhrikthlakna hian rilru tawt lutuk tleh thawpik lulutk tur a tiziaawm thei a, engemaw remchan lohna hrang hrang vanga nupa nun hman tak tak a harsa anih pawhin kawppui nen khan duhzawng inhrilhin, him takin a kalpui theih a, hei hian naute-ah harsatna a thlen lo
Naupai laiin a vawrtawp a thlen theih em?
Tehreng mai. A vawrtawp thlenna hian ‘uterine contraction’ han siam ve thin bawk mahse, hei hi nauvei laia ‘contraction’ nen khan ngaihpawlh chi erawh a ni lo. Hmeichhe tam tak chuan a vawrtawp thlen hian thlakim lova nauneih emaw nauvei a thlen niin an sawi a, thu belhchian dawl lo a ni. Hrisel taka nau i pai chuan nupa nun hman leh inhrikthlakna hian thlakim lova nauneih/vei a thlen lo
Anih leh naupai laia ‘position’ tur min hrilh thei em?
A tha berah chuan nang leh kawppuiin in remchanna kha a ni a. Chutih laiin, a hnuai lama hmeichhe awm hi a dik lova, chhul khan tul lo taka nawrna (pressure) a dawn thin vang a ni a, dul-ah nawrna a thlen a, awm nawm lohna a thlen thei.
Nauneih hnu-ah nupa nun a hmanleh nghal theih em?
Pangngai tak leh him taka hmang leh thei tur chuan nau-neih atanga chawlhkar 6 ral hnu-ah chauh nupa nun hi hman tan leh ni se a tha ber.
I taksa khan zai-chhuah vang emaw neih pangngai pawh a lo hma-chhawn tawh a, a damthat leh hi a tul vang a ni
Doctor hrilh ang che…
Nupa nun hman hi nang leh i kawppui tan a him leh him loh zawt fiah la, nupa nun hman laia thil fel lo leh ngaih-that lohna awm thei, entirnan- na ngawih ngawih, thisen leh thil tui chhuak emaw a awm a nih chuan doctor entir tur a ni. Hmanhmawh a tha.