Dutch midfielder Frenkie de Jong chuan Barcelona a chhuahsan a nih chuan Chelsea chauh zawm a duh a, mahse London club kum 25 mi lakluh nan Manchester United in an inhuam ang zat sen an inhuam lo. (Sport)
Atletico Madrid president Enrique Cerezo chuan tuten nge Manchester United forward Cristiano Ronaldo an lalut dawn anga sawi chu a hre lova, an tan kum 37 mi lakluh chu thil theih a nih loh thu a sawi. (El Partidazo de COPE)
Newcastle United chuan kum 26 mi Chelsea leh Germany striker Timo Werner chu lakluh tumin an ngaihven. (Christian Falk)
Juventus chuan Werner leh Manchester United a khel France forward Anthony Martial, 26, te chu Atletico Madrid atanga Spain striker Alvaro Morata, 29, an la let thei dawn lo a nih chuan an ngaihven ang. (Sky Sports)
Tottenham in United States midfielder Weston McKennie, 23, lakluh an tumna chu Juventus a a teammate Paul Pogba inhliam avangin a hlawhtling thei dawn lo. (Daily Mail)
Dutch defender Denzel Dumfries, 26, chu Inter Milan atangin Chelsea in lakluh an tum a, France international Jules Kounde, 23, an umzui hlawhtlin dawn loh avangin Italy lam an thlir. (London Evening Standard)
Leicester City keeper Kasper Schmeichel chuan Nice zawm turin inremna an nei tawh a, mahse Foxes hian a thlaktu tur an la hmuh loh avangin a la insawn thei lo. (L’Equipe)
Crystal Palace, Leicester City leh Newcastle United te chuan Strasbourg a khel French striker palian Ludovic Ajorque, 28,an inchuh dawn. (Football Insider)
Real Madrid, Barcelona leh Paris Saint-Germain te chuan Premier League club liante chu Palmeiras rawlthar beiseiawm Endrick lalut turin an elpui dawn. (CaughtOffside)