A hmasain, nau i pai tawh a nih chuan, naupai danna Emergency Contraceptives (EC) hian tih theih engmah a nei lo!
EC damdawi hi chhâng khatna damdawi-a awm, hormone atanga siam ve tho a ni a, hormones te hi mihring taksaa chemical pawimawh tak an ni a, taksa inrelbawl dan leh hnathawh dan hrang hrangte an thunun thin.
Nupa nun hman zawh veleh hian mihring insiamna hi a intan vek bik lova, tuichhuah hun (ovulation) hnu-ah chauh a lo thleng thin a, ni tam tak a liam hman thei bawk.
Nupa nun hmanna leh ovulation inkarah hian mipa chi hi Fallopian tube kaltlangin hmeiche tui lo inlan hun tur nghakin zinkawng a zawh ve ngar ngar thin zawk a ni.