KHUHHAWNNA
Hman deuha American sports reporter Gram Bensinger hnena an intawn hmasak ber dan a sawi atang hian Virat Kohli (33) khawvel awmdan tur a rin hriat theih a, Anushka Sharma (34) dinhmun tur pawh a rinlawk theih mai awm e.
“Ka vawikhat hmuhna ah khan fiamthu ka thawh nghal ringawt a, a chhan chu ka lai (nervous) nasa lutuk a, tih tur hre lo leh awmdan tur man lo lutuk khan fiamthu ka’n pâwt ta mai a ni. Ka nervous mai mai khawp a, tiril hi a khur der der mai.
“Fiamthu ka’n thawh ve lah khan min ‘cheap’ mai mai lo maw le, te ka tihnuhnawh a, ka sawi miah lo tur te pawh ka sawi ta ve ang. A sâng a, pheikhawk sâng a bun bawk si… Ka san vak bik lohzia hi an lo hrilh tawh ni ngei tur a ni a, feet 6 chung lam leh a chhehvel kha phak hek lo le. Pheikhawk sang nen a lo pen a, kei aiin a sang daih mai.
“Fiamthu ka’n thawh zauh a, ‘Excuse me’ tih melhin min rawn melh zauh a, ‘fiamthu thawh’ posi in, lai tawkin ka ding. Kha fiamthu khan mi lawiloah min siam a, mawl tak ka ni, dik taka sawi chuan. Ani erawh a inringtawk a, a buai eih lo,” a ti.
Virat-a’n “Kan inlaichinna hi a ngheh reng ka beisei hle a ni,” a tih chu Anushka chuan siam tha zauhin, “A nghet a ni mai lo, a nghet kumkhua ang,” tiin a belhchhah.
A sawi zelnaah mi pahnih inkara inlaichinna ah hian a hun leh hmun a zira insiamrem thiam (flexibility) a awm chauhin a nghet telh telh, an ti a, hei hi an thuruk pawimawh tak a ni.
Virat leh Anushka te hi Shampoo brand pakhata an inlan dunna atanga intawng an ni a, December 2017 khan Italy-ah a nuamah leh a hrehawmah pawh tiin, ‘tiam tlat e’ tiin tunah hian fanu duhawm tak Vamika Kohli an nei.