Aizawl : Khawzawl district-a inbiakpawhna telecom service tihhmasawn dan tur ngaihtuahin nimin khan District telecom committee chu an chairman, Khawzawl Bawrhsap C.C. Lalchhuangkima hovin an thukhawm a. ROW portal kaltlanga tower sak dilna company hrang hrang atanga lut te chu ICT department lamah thehluh an remti.
Khawzawl Bawrhsap chuan inbiakpawhna tha chu ram hmasawnna atana pawimawh tak a nih thu a sawi a. NH 6 laih mekin harsatna a thlen thin chu a hriatpui thu sawiin, mipuite chu dawhthei taka nghak hram hram turin a ngen. 132 KV line kalna tower chungah internet fiber kaltir tha a tih thu leh hmalak tawh dan a sawi bawk.