Pianphunga rualban lo te tana thawkchhuaktu pawl thahnem takin an sawisel chiam hnu ah Beyonce chuan a hla thu a tidanglamin, a record tha leh dawn tih a sawi.
Zirtawpni kalta khan ‘Heated’ hla thar tihchhuah a ni a, tarlan tawh angin spastic cerebral palsy vanga harsatna tawkte hmuhsitna leh endawnna lam hawi hman fo thin chu a rawn hmang ve leh ta chiah a ni.
A aiawha thupuangtu chuan US-ah chuan hla thu pawm dan hi a inang lo nuai thei a, tum reng vang emaw thil tha lo leh midang tawrhna thlen thei tur ang chi a siam a ni lo, tiin a insawifiah.
Tunhnai mai khan US pop star Lizzo chuan a hla, ‘GRRRLS’ ah he tawngkam bawk hi a lo hmang tawh a, a hnu ah ngaihdam a dil.
Hetih a nih laia Beyonce-i’n a rawn hmang chhunzawm leh hi heti ang lam harsatna nei te tana ding thin advocate Hannah Diviney chuan, “Na taka inben sawkna a ni,” a ti hial.
“Lizzo hnen atanga kan ngaihthlak hnu-ah amah vekin ngaihdam dilin, boruak a tha chho tura ngaih a nih mek laia hmang chhunzawmtu an awm leh hi a vanduaithlak a, heti ang thu sawi fo ngai ta hi mimal tak pawhin chauhthlak ka ti a, rilru a tibuai takzet a ni,” tiin BBC a hrilh.