Kum sawm chuang UNICEF nena thawk dun thin Priyanka Chopra chu Poland-ah awm mekin, Russia-in a run vanga Ukrainian raltlan te hmu in, an harsatna te a sawipui.
“Ukraine dinhmun hi a la chhe em em reng a, indona vanga insawnchhuah ngai, khawvelin a tawn zinga nasa ber zingah a tel. Indona vanga tawrhna hrang hrang hmachhawn mekte tanpuina kawngah kan harh lehzual a tul hle,” tiin Instagram-ah a ziak.
Bollywood star hian Russia-in a run vanga Ukraine mipuite tarhna hrang hrang, a bik takin hmeichhia leh naupangte chunga thil thleng te video kaltlangin a dahchhuak bawk.
Priyanka hmalakna leh thawhchhuahna hi social media lamah nasa taka vawrh darh niin, a inpekna leh midangte tana malsawmna ni tura a chetchhuahna in fak a hlawh hle.