Food, Civil Supply & Cconsumers’ Affairs Department chuan ration card ennawn tia thu vawrh darh chu thu dik lo a ni tih an sawi.
Tunlaia social media-a ‘RATION ENNAWN MEK A NI’ tih thu hmangin he ration card ennawn mek hna hi ngawrh takin selection board-in a kalpui mek thu tar lan a ni a, hei hi thu belhchian dawl lo a ni a, FCS&CA Department chuan ration card ennawn a kalpui lo niin an sawi.
An thuchhuahah chuan ration card revision hi FCS&CA Department-in kum 2020-2021 khan neiin a zawh fel tawh thu an tar lang a. Hei vang hian tun laia social media-a ennawn chungchang thu darh mekah mipuite buai lo tur leh thu taka ngai lo turin an hriattir tih an sawi.