Critic lamin story dul tak leh screenplay fuh tawk lo tia sawisel luai luai luai karah ‘Vikrant Rona’ chuan box office-ah cheng vaibelchhe 100 chuang a lalut.
South India film-in Bollywood a barakhaih chhunzawm zel a, Kichcha Sudeep channa Kannada action-adventure film hian box office a luahlum hneh ta hle a, India leh rampawn lamah thlengin thawm a nei ring zui.
Film trade analyst Sumit Kadel chuan, “Ni nga chhung lekin Vikrant Rona-in cheng vaibelchhe 100 chuang a lalut. Tun dinhunah cheng vaibelchhe 110 nen a dinhmun a thla hle a, entu mipui thu inhlanchhawnna chuan awmzia a nei a, Hindi version-a tihchhuah pawhin cheng vawiinah cheng vaibelchhe 6 a hmu,” tiin nimin khan a ziak.
Anup Bhandari film siam hi visual leh visual effects turuk tak an hman thiam dan em em hian fak a hlawh a, Kichcha a chang thiam bawk si a, critic ho sawiselna te chuan kawngro a su lem lo hle.