AIZAWL: Siaha district-a Samagra Shiksha hnuaia zirtirtu leh school tha ber te hnenah nimin khan lawmman sem a ni a. Hemi rual hian Vohbik naupangte hnenah tanpuina hmanrua sem a ni bawk.
He hun hmanpuitu Siaha Bawrhsap Lalsangliana'n "lawmman dawng tlak zirtirtu tha leh school tha kan district in ka nei hian min tilawm a, he programme hian zirtirtu dang te cho chhuak se, zirtirtu tha leh school tha kan district hian hring chhuak zel rawh se" a ti a, lawmman dawngtute duhsakna a hlan bawk.Samagra Shiksha hnuaia zirtirtu tha lawmman dawngtu te – Primary section-ah V. Beihmokhai, Tipa ‘D’-II, P/S; Middle section-ah Austin K. Zothanmawii, Lorrain English School; High school section-ah V. Lalhruaitluangi, Education Vaih, RMSA te an ni a. An lawmnan dawn hian thuziak leh Rs. 5000 a keng a ni.
School tha lawmman dawngtute Primary section-ah Congregational English Acdemy, Sai- kao leh Middle section-ah Gov't Khopai Middle School te niin, an lawmman dawn hian thuziak leh Rs. 10,000 a keng tel bawk a ni.