Nizan khan Sihhmuia Tlawng lei bulah car tlan liamin Tlawng luiah a tla a. Sihhmui YMA-in an hriat ve leh chhanchhuah hna thawk nghalin, nizana chanchin buatsaih lai thleng hian mi pathum chu damin an hmu tawh a, Sairang damdawi in panpui an nih thu leh ngaihtuahawm an ni lo tura an ngaih thu Sihhmui YMA hruaituten The Zozam Times an hrilh.
Sihhmui YMA hruaituten an sawi danin chanchin buatsaih lai hian chetsualna thlen hun tak an la hre thei lo va, nizan dar 7 vel kha niin an ring.
Car chesual hi eng car nge a nih tih pawh an la hre thei lo va, mi panga, mipa vek an chuang niin an hria a, pathum chu dama hmui tawhin, mi dang pahnihte chin an la hre lo.
Car chesual-a chuang zingah Chaltlang Lily Veng mi an tel a, an vaiin Chaltlang Lily Veng mi an ni vek em tih pawh chanchin buatsaih lai hi chuan an la hre lo niin Sihhmui YMA hruaitute chuan an sawi bawk.