Pelosi-i hi US politician hlun zinga kum 25 hnua Taiwan tlawh leh hmasa ber a ni a, Asia ram a tlawh kual paha a zinna a ni.
China chuan tlawh lo turin a ti ngar ngar a, a tlawh lui a ni.
US hian ‘China ram inrelbawl hranna chu mipui rorelna kalphung hming chhalin a palzut’ niin Chinese Foreign Minister Wang Yi chuan a sawi a. “Mei hmanga infiam hi a tha lo va, China dodaltu chuan a tuar ang,” a ti bawk.
A tlawh hnuah Pelosi chuan China hian khawvel ram hruaitu emaw, mi dang emaw pawh, Taiwan tlawha mipui rorelna an thanpui dan te, an hlawhtlinna chan te zahna hlan tur leh an tana an inpekna tinghet tura an ka chu a dang thei lo tih a sawi zui a ni.
Pelosi-i hian Taiwan a tlawh hnuah South Korea a pan leh a, an ram rorelna ina speaker Kim Jin-pyo nen an inkawm a. Korea ram hnihte inrina bul lawka awm, Joint Security Area pawh a tlawh dawn a, hei hi US kaihhruai UN command leh North Korea in an ven a ni.
US hi ‘One China’ policy kalpuitu a nih angin Chinese sorkar nen chauh inzawmna an nei a, a hranin Taiwan nen inzawmna an nei lo.
Hetih rual hian Taiwan nen hian kawng hrang hrangah an inkawmngeih hle a, ralthuam pawh a pe nual tawh a ni.