A nupui neihzat leh fa neihzat chungchanga inrinsiakna leh inhnialna awm chho mek karah khawvela hausa ber Elon Musk chuan hmeichhia pathum lak atangin fa pakua a neih thu a sawi chiang.
Elon hian kum 29 mi a nih in fatir a nei a, The Full Send podcast-ah nau piang tlahniam zel chu khawvelin a hmachhawn ber thil hlauhawm ber, a ti bawk.
Podcast-ah hian tunhma lama a sawi chian duh ngai loh leh zawhna a awm pawha a tlanchhiatsan thin chu a bunruak ta chu a ni a, host pakhatin a fa phir (college kal mek) a hmuh tawh thu chiang fek fawka a sawi hnu phei chuan Elon Musk hian thup buai a tum lo.
Siamtuin khawvel luahkhat tura thupek a neih ang deuh chiahin, khawvel mihring lo punghluai hlauhna leh pawi thei nia ngaih chu ngaihdan dik lo leh zeldin thu bawl mai mai a nih thu uar takin a sawi bawk.