Aizawl: Mizoram Youth Commission (MYC) buatsaih Super IAS 40 programme hnuaia Mizo thalai full sponsorship programme-a UPSC coaching kal turte chuan an zirna hmun tur, Delhi-a Vision IAS, ALS leh Vajiram & Ravi Coaching Centre an thleng kim tawh.
August 4, 2022 khan Vajiram & Ravi Coaching Institute-a lut turte thawn hmasak ber an ni a. August 6, 2022 khan ALS Academy-a lut turte kaltir leh an nih hnuah August 9, 2022 khan Vision IAS Academy-a lut turte chu a batch hnuhnung ber atan thawn thlak leh an ni.
Super IAS 40 full spinsorship programme hnuaia IAS Aspirant-te tan hian MYC Chairman Dr Vanlaltanpuia, MLA chuan an awmna tur hmun buaipuisakin, academy leh PG tur buaipui hian MYC chairman bakah official-te hian New Delhi-ah an chamchilh a ni.
MYC hian Super IAS 40 programme hnuaia coaching kal turte hi full sponsorship a pe a, course fee, kal man leh accommodation charge leh adt. tumsakin, zirlaite hi uluk tak leh khauh turin a en zui dawn a ni.