Tun thla ni 7 thleng awh tur hawng

Aizawl : Ministry of culture bultuma MZU-a Mizo department leh Ace Events and Rentals te buatsaih India zalen champha vawi 75-na lawmna tun thla ni 7 thleng awh tur Evolution Fest chu nimin khan School education Minister Lalchhandama Ralte-in Vanapa hall tualah a hawng.

Evolution Fest hawnna Cycle rally hmanga neihah hian Mizoram Cycling Association atangin mi 100 vel an tel a. He festival ah hian Cycling bakah seminar-te, Mizoram ngeia thil siam phochhuahna local product expo te, Mizo literature hmasawn dan sawihonate, zirlai tan career guidance leh soft skills training te bakah cultural evening te buatsaih a ni ang.

Education Minister chuan Evolution Fest hawnna a tel thalaite chu ram nghakfak an nih avangin taksa hrisel tha tak an neih theih nan nitin darkar khat tal exercise la ngei turin a sawm a. Taksa tana tha lo, zuk leh hmuam, ruihtheih thil tih avanga natna leh kum naupangte tea nunna chan an lutuk te, thalai ta- m tak, kum naupang te te zingah thisen sang, zunthlum nei leh stroke avanga nunna hlu tak chan sawi tur an awm ta fo te chu pawi a tih thu sawiin, nunphung dik zawh hram hram a tul thute, tul lova zan men rei te, sa thau leh ei tur hrisel lo lakah pawh fimkhur a tul thu te a sawi bawk.

Leave a Reply

Your email address will not be published. Required fields are marked *

error: Content is protected !!