YMA Zawlbuk : MLA-in hawng

Azl: MLA Local Area Development Scheme hmanga sak, Electric Veng YMA Zawlbuk thar chu nimin khan bialtu MLA (Aizawl North III) C Lalmuanpuia’n a hawng.

EYMA Zawlbuk hi bialtu MLA-in a fund Rs 5,50,000 a peka sak a ni a. Khawtlang duty nan te, committee thut nan tea hman tur a ni a, a hnuai kawngpui ân-ah dawr pahnih a awm.

Zawlbuk hawn inkhawm hi Electric Veng YMA Hall-ah neih a ni a, an Branch YMA President C Lalrokhuma’n a kaihruai a. Bialtu MLA chuan, “YMA-te hi kawng engkimah, chhiat ni, that nia khawtlang tana theihtawp chhuaha hma la thinte an ni a, YMA hma laknate hi a chhuanawm hle a. A thupui ‘|anpui ngaite tanpui’ a ni a, hei hi a ropuina tak pawh a ni,” a ti.

C Lalmuanpuia chuan, “I ramin eng nge a tihsak theih che tih aiin, i ram tan eng nge i tih theih tih hi a thu ken pawimawh tak a ni,” tiin, sorkara innghat mai loa ram tan hian eng nge ka tih ve theih tih rilru put a hun tawh tih a sawi.

“YMA chu tanpui ngaite tanpuitu a ni a, ram tan theihtawp chhuaha Zoram tana kan tih theihte thahnemngai taka thawk zel turin tan i la zel ang u,” a ti bawk.

Leave a Reply

Your email address will not be published. Required fields are marked *

error: Content is protected !!