Serie A champion AC Milan in an elpui zing ami Juventus lakah hnehna an chang a. League-ah a sang pathum zinga tel turin point thum an hmu.
Inrinni zana San Siro a inkhelah Milan tan defender Fikayo Tomori leh midfielder Brahim Diaz ten goal an khung a. Anni aia khelh khat a khel tlem zawk Napoli leh Atalanta te point hmuh ang zat an hmu mek.
Juve in season bul an tan chhiat hnuah kar hmasa khan Bologna an hneh hnuah kawng dik an zawh dawn nia ngai tam tak an awm a, mahse Milan lakah a tawp lam minute 20 tih loh chu team bet zawk chiang takin an ni.
An coach Massimiliano Allegri chuan, “Goal hmasa zawk kha kan tihsual vang a ni a, tihsual kan neih hnem lutuk kan tuar.”
“Chiai hun a ni lova, thawhrim hun chiah zawk a ni. Maccabi-ah hnehna chang turin kan rilru kan tih paukhauh a tul ang.” tiin an hmabak a thlir.