October 6-8, 2022 chhung khan Indian Medical Association (IMA), Mizoram Government Doctors’ Association (MGDA) leh Indian Dental Association (IDA) tangkawpin East Lungdar-ah Multi-Speciality Clinics an buatsaihah damlo inentir mi 4,050 an tling.
Pawl pathumin a thlawna natna hrang hrang inentirna an buatsaihah hian daktawr 40 leh anmahni puibawmtu mi 11, an vaiin 51 kalin damdawi Rs. nuai 1.5 hu vel an sem a ni.
He huna damlo inentir chu 4,050 an tling a, East Lungdar bakah khaw dang 19 atangin an pan.
Clinic buatsaihtute hian bialtu MLA Lalchamliana, home minister-in damdawi man leh chaw ei man tum sak avang leh, East Lungdar Medical Officer leh thawktute dangte, VCP kaihhruai khawtlang hruaitu te leh mipuiin hneh taka an dawnsawn avangin lawmthu an sawi.