Ukraine defence ministry chuan an ram chhimchhak lama Zaporizhzhia khawpuiah Russia-in missile a kah luh avangin mi 17 vel an thi niin a sawi.
Mi dang eng emaw zatin hliam an tuar a, chenna in tam tak a chhe bawk.
Khawpui hi Ukrainian-te thunun lai a ni leh tawh a; mahse, thla hmasaa Russia-in an ram awp chin (annex) a puan zinga tel a ni.
Zaporizhzhia hi tun hnaiah kah a ni nasa a, Russia chuan Ukraine chhim leh hmarchhak lama ram an zau thar leh mek laiin khawpui laili laiah tan nasa takin an khawh ve a ni.
Zaporizhzhia region hmun thenkhat hi indona a chhuah atang khan Russian-ten an thunun nghal a ni a, heng zingah hian khawpui atanga km 52 chauhva hlaa awm, nuclear power plant pawh a tel.
Ukraine-in Zaporizhzhia regional governor atana an dah, Oleksandr Starukh chuan Russian missile 12-in in chhawng kuaa sang a tihchhiat nual bakah chenna in panga a tichhe vek niin a sawi.
“Chim chhe karah hian mi an la awm a rinawm a. Chhanchhuah hna thawh mek a ni a, mi pariat chhanchhuah an ni tawh,” tiin Telegram-ah a tar lang.
Ukrainian President Zelensky chuan ‘khawngaihngaina nei miah lova muang taka awm mek mipuite kah an ni leh ta’ tiin a sawi.
“A rapthlak a, insawisakna leh firfiakte an ni a, thu petu atanga thupek zawmtu thlengin an ni vek a, mawh an phur a ni,” a ti.