Director Mani Ratnam kutchhuak, ‘Ponniyin Selvan I’ chuan cinema hall a luahlum chho viau a, khawvelpumah cheng Rs vaibelchhe 300 a hmuchhuak.
Cheng vaibelchhe 500 velzet senga siam-ah filmstar lian leh hraw tak tak an inlan a, heti ang zela a nih chuan reilote ah a siam man mai in lo, a hlawkna thahnem tak a tel dawn e.
South Indian filmstar lar tak, Vikram bakah Aishwaraya Rai te inlanna hian tlangzarh atanga Ni riatna lekah cheng vaibelchhe 350 hmu turin a dinhmun a tha hle.
Hei mai a ni lova, kumina Tamil film hit ber leh sum lalut hnem ber ni turin ramchhungah cheng vaibelchhe 135.89 nen a hawi ‘champ’ viau tawh bawk a. Thalapathy Vijay siam, ‘Beast’ sum laklut lehpel duai tawhin, Tamil film zinga cheng vaibelchhe 300 hlawhchhuak thei pangana a ni chiah bawk.