Cricket Association of Mizoram Honorary Secretary Mamon Majumdar chuan Thawhlehni khan Mumbai-ah India cricket thuneitu Board of Control for Cricket in India a Member of the Apex Council ni turin nomination a thehlut.
Thawhlehni hi BCCI inthlanna tura nomination thehluh tawp ni a ni a, Apex Council Member nomination hi midangin thehlut ve lovin chuhtu awm lovin a tling ang.
CAM Hony. Secy chuan, “Pathian min duhsakna leh kaihhruaina bakah CAM lama member leh ka thawhpuite zawng zawng duhsakna in he nomination hi ka thehlut a. BCCI Secy. Jay Shah min thlawp tlatna a pawimawh hle.”
“CAM tana ka thawhpui thinte leh thawhpui mekte chungah lawmthu ka sawi a. BCCI chungah pawh India hmarchhak state te hi min ngaihsak hle avangin lawmthu ka sawi.” a ti.
October 18 hian BCCI hruaitu thar thlanna hi Mumbai a Annual General Meeting-ah neih a ni ang.
BCCI hruaitu thar tur line up:
BCCI President – Roger Binny
Secretary – Jay Shah
Vice-President – Rajeev Shukla
Treasurer – Ashish Shelar
Joint Secretary – Devajit Saikia
Apex Council – Mamon
member Majumdar
*ICA member pahnih lakluh an la ni ang.
IPL Governing – Arun Dhumal,
Council members Avishek Dalmiya
*ICA aiawh tur thlan a ni ang.