Aizawl : Congress thalaiin Mizoram sorkarin mipuite nasa takin a sawr fu nia sawiin, chhiah hrang hrang a pung nasa a, “Mipui tan sorkar hi phurrit a tling ta” an ti.
Property tax pawh a pung nasa tih sawiin, Congress thalai chuan a thenah chuan a let tein a pung hial niin an sawi a. Hei hian in leh dawr luah mante thlengin a nghawng nasa tih sawiin, mirethei leh harsa zawk ten property tax pung chu an tuar nasa leh zual a, mipui sawr fu zual zelna a nih thu leh an dem thu an sawi.
Congress thalai chuan MNF sorkarna chelh hnua kawng hrang hranga chhiah pung chu phurh zwh rual a ni tawh lo nia sawiin, “chhiah lak theihna mitin an meng a, hei hian mipui min ngaihpawimawh loh zia a pholang a, SEDP healthcare te chu khawiahmah sawi rik pawh a awm tawh lova, cheng nuai thum sem tur pawh sawi rik ngam a ni tawh lo” an ti bawk.