Aizawl : Former legislator association of Mizoram (FLAM) hruaitute chu nimin khan PC party pisa-ah lengin party hruaitute nen an inkawm a. PC party President Vanlalruata leh hruaitu dang ten an lo dawngsawng.
FLAM hruaitu PC party pisa-a leng te hi Vice President JV. Hluna leh Treasurer Rochhunga Ralte te niin, Mizoramah inthlanna thianghlim leh muanawm tak a awm theihna tura thawhhopuiah PC Party hruaitute chu an sawm a ni.
PC Party President Vanlalruata’n FLAM hruaitute hmalakna lawmawm a tih thu sawiin, Mizoramah kumdang zawng aia inthlanna ṭha leh fel zawk a awm theihna tura FLAM hmalakna chuan rah duhawm tak a chhuah ngei a beisei thu leh PC Party pawhin theihtawpa hmalak an tum thu a sawi.