Manipur Chief Minister N Biren Singh chuan Ukhrul district-a khaw pakhat chu ruihhlo tawlh ruk leh dona kawnga an thawh that avangin lawmman atan Rs Nuai 10 a hlan.
Chief Minister Singh hian Thawhtanni khan Imphal-ah lawmman hi hlanin anmahni duhthu ngeia an khuaa poppy chinna hmun an tihchhiat avanga hlan a ni.
Lawmman dawngtu khua hi Peh (Paoyi) niin an khuaa roreltute chuan an khuain poppy an chinte chu sorkarin ruihhlo do beihpui an thlawpzia lantir nen tihchhiat an rel angin an tichhe vek a ni.
Chief Minister Biren chuan an hmalakna chu fakin state sorkar pawhin ruihhlo tawlh rukna leh a dona kawnga an chet dan chu entawntlak leh inpekna ropui tak a nih thu a sawi.
Singh chuan he khuaah hian Rs Nuai 10 man vel tur bazara inphona tur leh primary health centre din thuai a ni dawn tih a sawi bawk.
Pek khaw mite chu sorkarin War on Drugs Campaign a neih mekah an khaw thenawmte pawh zirtir ve turin a chah bawk.