North East Olympics 2022 a mipa football inelnaah Mizoram in an match hmasa ber Nilaini khan an khel a. Assam lakah 6-0 in an chak.
MFA Turf, Shillong a inkhelah Mizoram tan Joseph Lalvenhima chuan goal li a khung a. Rohlupuia leh K. Lalrosanga ten goal khat ve ve an khung.
Mizoram hi Group 1-ah Manipur, Assam leh Tripura te nen an awm. Tripura nen Thawhtanni khan inkhel tur an ni a, mahse an khingpui turte an inlan loh avangin team pathum an inel ta a ni.
Hei vang hian Mizoram hian semi-final an lut chiang nghal tihna a ni a. Zirtawpni tlai dar 4:30-ah Manipur nen an inkhel leh ang.