Ultimate Fighting Championship a bantamweight fighter ngaihven hlawh leh chanchin ngah ‘Sugar’ Sean O’Malley chuan Octagon a luh leh hunah UFC bantamweight title a chuh tawh ngei a inbeisei thu a sawi.
UFC star lar chak zing ami O’Malley chuan Thawhtanni zan khan Las Vegas-ah UFC president Dana White leh matchmaker Sean Shelby te nen inbiakna an neih thu a sawi a. Nakkum July a cage chhung luh leh a tum tih sawiin 135 pound title a chuh tur thu an hrilh niin a sawi.
Thla hmasa a UFC 280 a sawi zui hlawh taka champion hlui Piotr Yan split decision a hnehtu O’Malley chuan, “Ka fight leh tur hi title chuh turin a ni tawh. Tupawh nise 135 pounds-ah keimah nen a nih chuan ngaihven hlawh ber chu a ni ang.” a ti.
O’Malley hian a khingpui tura rin a neih loh thu a sawi a. Title a chuh hma in champion lai Aljamain Sterling leh champion hlui Henry Cejudo te an intum hman a rin thu a sawi tel.