2023 F1 Season-ah China la tel dawn lo?

China a Formula 1 intlansiakna Chinese Grand Prix chu kum thum neih tawh loh a nih hnuah season tharah pawh an nei dawn lo niin BBC Sport chuan an sawi.

Kum 2019 hnuah China-ah hian F1 intlansiak buatsaih a ni tawh lova. Nakkum season calendar-ah erawh telh a ni a, intlansiak nei thei tawh turah an inngai.

Mahse China hi zero-Covid policy khauh taka a kalpui avangin F1 lamin intlansiak neih theih an inbeisei lo.

F1 lamin an inbeisei loh chhan hi an hnuaia thawktute leh an hnuaia team awmte mi leh sa hrim hrim Covid 19 kai an awm chuan quarantine hun chhung turah inngaihhnathiamna a awm thei dawn lova. Hei vang hian F1 chuan a team ten harsatna engemaw an tawh loh nan Shanghai kal loh chu tha a ti ta zawk.

China ram a Covid policy thar berah Covid 19 kai chu isolation centre-ah ni nga an awm bakah ni thum chhung inah an inkhung leh phawt tura tih a ni.

F1 chairman leh chief executive officer Stefano Domenicali chuan hemi chungchang hi engmah sawi la nei lo mahse an thutlukna hi siam fel a ni tawh a, puanzar a ni thuai turah an ngai.

Leave a Reply

Your email address will not be published. Required fields are marked *

error: Content is protected !!