Pop star Ed Sheeran chuan nikuma fanu Lyria a neih hnu ah hringnun a thlir dan danglam vek nghalin, a nungchang ṭha lo te pawh a sim phah, a ti.
“Cherry (A nupui)-i’n naute a pai thu min hrilh atang khan ka nun a insawn dawrh ni maiin ka hria a, hna leh hrilselna chungchangah thlengin a ni a, ka thil ei leh Zu in thin ah te pawh danglamna liantham a thleng,” tiin BBC Radio 1 a hrilh.
Sheeran chuan, “Chhungkuaah chanchin lawmawm a lo thlen khan mumal takin exercise te ka la ṭan a, nun hrisel ka ngaipawi-mawh sauh. Zing lam dar 2 thleng thlenga recording neih te ka sim a, darkkua atangin dar nga thleng bak hna ka thawk lo.
“Los Angeles-ah producer ṭhenkhatte nen kan thawk ho a, zan dar 6 atanga ṭanin zing dar 6 te an thleng ṭhin a ni awm a, Post Malone leh Dua Lipa te pawh an ni tho. Kei chuan dar 9 atangin ka ṭan keuh mai si a, mak an ti a, an meng phawk nasa hle a ni,” a ti bawk.
Sheeran leh a nupui Cherry Seaborn te hian an fa hmasa ber Lyria Antarctica Seaborn Sheeran chu nikum hmasa August khan an nei a, an nupa hian duat tak te-in an duat a, chhungkaw member an lo pun hnu-ah an nupa inhmangaihna a pun zual bakah hringnun zirlai pawimawh an zir chho mawlh mawlh mai a ni.