Khawvela iPhone factory lian ber, China-a Zhengzhou khawpuia thawktute chu lungawi lohna nasa takin an lantir niin online-a video tar lanah hmuh a ni.
Video-ah hian thawktu za rual zet chuan kawng an zawh a, hazmat suit inbel leh riot police nen an innawr lai pawh hmuh tur a awm.
Thla hmasa khan Covid a darh avangin company chuan an campus an kharkhip a, thawktu thenkhat chu an chhuak ru nghe nghe.
Company hian bonus tha zawk pek tiamin thawktu thar eng emaw zat a la zui.
Livestreaming site pakhata dahah chuan thawktute hi, “Kan chanvo kan duh! Kan chanvo kan duh!” tiin an au rual tih a hriat a. Tiangin surveillance camera leh tukverh an vaw chhe lai pawh a lang.
Clip thenkhatah chuan thawktute hian chaw an dawn an sawisel a, bonus pek tiam an nih ang an dawng lo bawk tih an sawi.
Foxconn-a thawk, tun hnai lawka Zhengzhou plant-a thawk tan chuan BBC hnenah thawktute hi Foxconn-in ‘an intiamna an thlak leh avangin an lungawi lo’ tih a hrilh.
Thawktu thar thenkhat chuan a hmaa hri a darh tuma lo thawkte atanga Covid kai an hlau bawk tih a sawi.
“Lungawi lote hian subsidy dawn leh ina haw an duh,” tiin thawktu pakhat chuan a sawi.
Nilaini tukah khan an hmunah hian police thahnem tak dah an nih thu a sawi bawk.
Foxconn chuan an hnuaia thawkte lungawi lohna chungchangah hian sawi an la nei lo va. Apple hnuaia subcontractor lian ber, Zhengzhou plant-ah hian khawvel hmun dang zawng zawng aiin iPhone an remkhawm tam.
October thla tawp lamah khan thawktu thenkhat chu plant chhunga Covid kai pung leh enkawlna tha an dawn loh avangin an chhuak a, social media-a thlalak leh video thehdarhah chuan a ruka chhuakin China lailia province atang hian an in lam an pan hlawm.
Foxconn hian thawktu dangte chu chhuak ve lo tura an hmin rualin thawktu thar laka hlawh leh bonus tha zawk pek an tiam zui.
Firm hian Covid darh thar leh laka an him nan Zhengzhou khawpui hulum nena inchiahpiah lova an hmuna inkhunga hna thawk turin an duh.
Tun thla tirah khan Apple chuan Zhengzhou-ah a remkhawm lam a chak theih loh avangin iPhone 14 model chu an tum anga thawn chhuah tur a tam theih loh thu a lo puang ve tawh bawk.