Zote Honda Mizoram Premier League Season 9 semi-final chu Thawhlehni zanah khelh tan a ni a. Last four inkhel hmasa zawk first leg-ah Aizawl FC leh FC Venghnuai te inkhelin 3-3 in an inhnehtawk.
Rajiv Gandhi Stadium-ah league a fal taka hmahruaitu Aizawl FC leh palina hauhtu FC Venghnuai te an inkhel. Venghnuai hi season beisei khum a hmang an ni a, lehlamah league-ah Aizawl FC che tha mahse I-League an tan tawh avangin ni zawna inkhelh an nei fova. An player-te an rim tawh hle.
Venghnuai in Lalruatfela hmangin minute 16-naah goal an khung a. Mahse minute riat hnu lekah Aizawl FC tan Lalmuanawma’n an si phurh a sut.
Halftime hma in Aizawl FC in an nawr chhunzawm a. Rosanga leh David-a te thawhrah sengin MS Dawngliana’n an goal hnihna a khung a. Halftime hma chiahin K. Lalrosanga’n an goal thumna a khung.
Aizawl FC dinhmun a tha, mahse second half-ah an tang tluan zo lo. Venghnuai tana hun pawimawh a che fo thin Ramdinmawia leh Malsawmzuala Tlangte ten an si phurh an la sut hman a. Second leg-ah dinhmun inangah an ding dawn.
Second leg hi Zirtawpni zan dar 7:30-ah an khel lehnghal ang.