Emergency worker-te chuan New Jersey, United States-a flat eng emaw zat awmna in lian tak pakhata thil puahna hmunah mi zawn hna an thawh chhunzawm zel.
Specialist team leh search dog-ten an ram sanaa Inrinni zing lama thil puahna leh in chim zuina, mi pathum an thihna, St Helier-ah hian zanah pawh mi zawn hna an thawk.
Jersey sorkar chuan agency thahnem tak thawkhovin an bei mek tih a sawi.
Thliarkar police chief officer Robin Smith chuan Pier Road-a thil thleng hi ‘chhiat vekna’ tiin a sawi.
Sorkarin Twitter-a video a dahah chuan in chim leh car chhia a delh thuah nasa hle.
Chief Minister Kristina Moore chuan ‘suangtuah phak loh chhiatna’ tiin a sawi.
Jersey sorkar chuan mi zawnnaah hian a dawt zela chet lak a nih thu sawiin, a hmunhma senghawi zung zung a ni a, ui fing luhtirin in chim hnawkte a tahtawla tihfel a ni tih an sawi.
Chief fire officer Paul Brown chuan a hmaa thuthar lakhawmtute a kawmnaah, “Zawn zui zel tum a ni a, team hi zanah pawh chawl lovin an thawk zel dawn,” a ti.
“A hlauhawm ber chu in chimte hi a awp ang a, chu chuan thawktute a delh a hlauhawm a ni,” a ti a. “Kan tih theih apiang kan ti zel a, chhanchhuah theiha awmte chhanchhuah ngei kan tum,” a ti bawk.
Dama lak chhuah mi pahnih chu damdawi in panpui an nih hnuah chhuah leh tawh an ni.
Thil puak hi an ram sanaa Inrinni zing, Zirtawpni zan a ni a, India-ah chuan Inrinni zing dar 9:30 vela thleng a ni.
A puahna in, chhawng thuma sang hi sorkar hnuaia awm, Andium Homes ta a ni a; mahse, company hian mi dang an luahtir.