Aizawl : Thawhlehni khan BJP Mizoram State General Secretary Malsawmtluanga chuan Mamit district-a Khawhnai leh Teirei khuate a tlawh a, central sorkarin Mamit district chu Aspirational District a nihna atanga khai chhuah a tum thu a sawi.
Malsawmtluanga hian Mamit district tlawha Union Minister tam tak rawn kal te’n PM scheme hrang hrang hman a nih danag an duhthu a sam lo niin a sawi a. PM scheme hi a nihna anga hman ni se mirethei tam tak hian a rah an seng tawh ngei dawn tih a sawi.
Mamit district chu Aspirational district a nihna atanga khai chhuah hi central hian a tum avangin, Union Minister eng emaw zatin an rawn tlawh tawh tih sawiin, “Development a taka kan hmuh theih nan sorkar tha leh mipui hma ngaitu BJP party hi, Mizoram mipui te hian kan hriatchian a, Mizoramin kawng hrang hranga hmasawnna kan neih theih nan BJP sorkar hi kan mamawh tawh a. Kum 2023 MLA General Election-ah hian kan sorkar a ngai a ni,” Malsawmtluanga hian a ti.