Rilru sukthlek tidik
Lam hian rilru suthlek (mood) a tidik a, taksaa ‘endorphin’ level tipungin, chu chuan natna hrik laka taksa venghimtu ‘Immune system’ te hmelma ni bawk, thawpikna leh rilruhah benvawn a tikiang nghal thei. Mahni inrintawkna a thlen a, mahni inthununna a neih tir bawk. Taksa leh rilru rualkhai takin a kalpui a, damna a thlen.
Tar harna
Vun chuar tur leh uai thla mai tur nasa takin a veng thei a. Lung leh taksa peng dangte a tichak a, Chuap hnathawh pawh a pui nasa hle. Tihrawl tan ‘vitamin’ tha a tling a, thaw lak a rang a, lam intihsiaknaa tel te thawklak leh Olympic intihsiaknaa cyclist, tui-hleuh leh mitere 800-a tlan te thawk lak dan hi a inhen tawk.
Ruh a tichak a, a inzawmna a tinghet
Hmeichhiain harsatna an tawh langsar tak, ‘Osteoporosis’ laka invenna leh enkawlnan a tha chungchuang a, thi hul hnu-a an buaina tam tak hi lam hmang hian chinfel theih a ni. Thil hul hian ‘estrogen’ hormone level hi lo tlahniamin, chu chuan ruh-in a mamawh ngawih ngawih, ‘calcium’ hipluhna a tibuai hle a. Lam hian ruh inzawmna a timawm a, ruh chuktuah nâ (arthritis) tur a veng bawk.
Calorie a tiral
Lam hian thisen kal vel a tihthat bakah calorie a tiral chak hle a, chakna leh daihraina (stamina) a tikhawng lehzual. Hlim tak leh phur taka lam hian minute khat zelah calore 5-10 a tiral a, pui tak a ni.
Thisen tan chawtha
Zirchianna thar bera a lan danin, hriselna tehfungah hian thau (cholesterol) tha leh tha lo level hian thui takin kawngro a su tih a ni a. Thau tha (hDL) tipungtu thununna kawngah a tanpui a, thau tha lo (LDL) a tihhniam sak bawk.
Rilru chakna
Thluak sawizawinan leh ngaihtuaihna tihthar lehnan a tha em em a, rilru a chak a, ngaihtuahna a that tawh chuan taksa-in a hlawkna a tel nghal a, harhvang takin a awm theih a, rilruhah leh tawt ut ut a umkiang a, tha thona a thlen.
Thian siamna tha
Tui taka lâm tur chuan mahni chauhin a theih bik lova, a huhova lam te a lo ngai a, hei hian thian tha insiamna remchang a thlen a, thiante inkarah pawh inpawh lehzualna a thlen. Thian tha te hian min tichak a, min tihlim a, min thlawp a, an hlu hle.