Aizawl : Mizoram University-a Horticulture, Aromatic and Medicinal Plants (HAMP) department chuan sorkar laipuia Department of Biotechnology (DBT) atangin Biotech-Krishi Innovation Science application network (Biotech-KISAN) project a hmu a, he project hi lonei- tute hmasawnna tura hmalakna a ni.
Biotech-KISAN project hi dist hrang hranga loneitute inzirna sikul (Krishi Vigyan Kendra, KVK) kaltlangin Aizawl, Champhai, Kolasib, Serchhip, Lawngtlai leh Lunglei district-ah te kalpui mek a. He project-ah hian loneitu leh mithiam (scientist) te thawkhovin; loneitute banphaka science thiamna chhawpchhuahsaka, science laboratory leh thlawhhma thlunzawm chu a tum a ni.
Scientist ten loneitute harsatna tawh thin hrang hrang zirchiangin an zawnchhuahpui anga, a chinfelpui leh tunlai thiamna hmanga thlawh- hmalak dan changkang leh hlawk zawk inzirtir te bakah huan/lo ram nei zau lo; a bikin hmeichhe kuthnathawktute chawik- ana thawhhona tha zawk siam te pawh he project-in a tum zingah a tel.
He project hlawhtlin- na tura hma la tur hian MZU-a HAMP deptt chu hmunpui (Hub) atan thlan niin, Project Coordinator atan Prof. Rambir Singh, HAMP department ruat a ni.
He project-ah hian thlai leh hmuihmer (sp- ice) thlan bik te hlawk zawka thar thei turin lo- neitute chin tir an ni ang a, MZU HAMP deptt. chu zirchianna hmun tur niin, thlai thar that dan, vawnthat leh sawngbawl te, lei leh hralh dan ka- wng awlsam zawk te a ngaihtuah bawk ang.
HAMP department-a khawl leh bungrua te chu KVK atanga scientist-te leh loneitute hman theiha chhawpchhuah reng tur a ni dawn a, KVK scientist-te pawh tunlai thiamna sang ber ber leh khawl changkang ber ber hmanga training pek thin an ni dawn a ni.
Thlai tharhlawk chi leh thlai natna do thei/ tuar thei chi -Changkha, Broccoli, Zikhlum, Hm- archapui, Parbawr, Fang- hma leh Bean (Zorin Bean) te chu loneitute chin tir mek an ni a. Kumtluana heng thlai te hi thar a nih theih nan project hnuaia awm district tina loneitu thlanchhuahte chu meter 100 bial polyhouse a thlawna sak sak an ni.
Sawhthing, Mizo Hmarcha leh Aieng te pawh he project hnuaiah hian loneitute chin tira hmalak mek a ni a. Mizo Hmarcha leh Sawhthing (Thingpui leh Thing- laidum) te chuan Mizoram Geographical Indication Tag (GI Tag) a nei nghe nghe a ni.